Bo‘stonliq tumanida yashovchi, “Choldor” fermer xo‘jaligiga tegishli “Tuyaqush” xo‘jalik binosida qorovul, 1977 yilda tug‘ilgan E.N. ish joyida o‘zaro janjallashib qarindoshi, yakka tartibda ishchi, 1979 yilda tug‘ilgan X.D.ning qorin qismiga 1 marotaba osh pichog‘i bilan urib, unga tan jarohati yetkazgan. Bu haqda Toshkent viloyati IIB xabar berdi.
Natijada jabrlanuvchi tan jarohati olib shifoxonaga yotqizilgan.
Ushbu holat yuzasidan E.N.ga nisbatan O‘zbekiston Respublikasi Jinoyat Kodeksining tegishli moddalari bilan jinoyat ishi qo‘zg‘atildi.
