Қўшма Штатларга ёпирилган «Ирма» довули биринчи даражага қадар кучсизланди, деб хабар бермоқда АҚШ довуллар ҳақида огоҳлантириш Миллий маркази.

Марказдан таъкидлашларича, «Ирма» Флорида ғарбий ярим оролига ҳаракатлангани сари заифлашиб бормоқда. Ҳозирда довул ичидаги максимал шамол тезлиги соатига 135 километрни ташкил этади, унинг маркази эса Тампадан 40 километр шимоли-шарқда ва Лейкленддан 30 километр шимоли-ғарбдадир. Довул соатига тахминан 24 километр тезлик билан шимоли-ғарбий йўналишда ҳаракатланмоқда.

Аввалроқ «Ирма» туфайли Майами маркази сув остида қолгани хабар берилганди.