«Ливерпуль» футбол клуби собиқ сардори Стивен Жеррарднинг маълум қилишича, «Манчестер Юнайтед» ҳимоячилари ва Англия термаси бўйича жамоадошлари Фердинанд ҳамда Невиллдан нафратланган.

«Сен трибуналар остида Рио ва Гари Невиллнинг рўпарасида турганингда, уларни мағлуб этиш учун барча ишни қилишни хоҳлайсан. Сенда нафрат уйғонади – мен билан ҳам айнан шундай бўлганди. Улар билан Англия терма жамоасида учрашганимда, улар менга гўёки ёқишини кўрсатгандек бўлардим. Фақатгина сенинг ва уларнинг фаолияти якунлангач, ҳақиқий дўстлик бошланади. 

Ҳозир Фердинандни фақат ҳурмат қиламан, сабаби у бутун умри давомида буюк клублар учун тўп сурган. Энди эса у билан телеканалда ишлашдан завқланмоқдаман», - дея унинг сўзларини келтиради Metro News.