11 сентябрь куни соат 14:00 ларда ҳайдовчи Д.Исмоилов ўзининг «Дамас» русумли автомашинасини Андижон тумани Оқёр «Қўшариқ» МФЙ ҳудудидан ўтган 4Р-130 «Андижон халқа йўли»нинг 6 километрида бошқариб кетаётиб, руль бошқарувини йўқотиши натижасида «Жаҳон савдо комплекси» ОАЖ йўналишидаги осма кўприкнинг бетон тўсиғига урилиб, кўприкдан пастга қулаб тушган.

Андижон вилояти ИИБ ЙҲХБнинг KUN.UZ’га хабар беришича, натижада ҳайдовчи Д.И. ва йўловчи А.И. иккиси ҳам тан жароҳати олиб, шифохонага ётқизилган. Транспорт воситасига эса жиддий тарзда талофат етган.

Воқеа жойига тезкор тергов гуруҳи зудлик билан етиб келган ва айни пайтда ушбу ҳолат бўйича дастлабки тергов-суриштирув ишлари олиб борилмоқда.

Фото: Андижон вилояти ИИБ ЙҲХБ
Фото: Андижон вилояти ИИБ ЙҲХБ
Фото: Андижон вилояти ИИБ ЙҲХБ