Eng qimmatbaho tarkibga ega jamoa aniqlandi. Bu «PSJ» emas

«Manchester Siti» hozirgi tarkibidagi futbolchilarning umumiy narxi bo‘yicha yetakchi bo‘ldi. Bu haqda CIES tadqiqot markazi ma'lum qildi.

«Shaharliklar» hozirgi futbolchilari uchun jami 853 million yevro sarflagan. Bu borada ikkinchi o‘rinda «PSJ» - 850 million. Parijliklar yozgi transferlar vaqtida «Barselona»dan Neymarni 222 million yevroga sotib olgandi.

Uchinchi o‘rinda esa yozgi transferlarda faol bo‘lgan yana bir jamoa «Manchester Yunayted» - 784 million. Bu jamoa o‘tgan yili yetakchilik qilgandi.

Top-10:
1. «Manchester Siti» (Angliya) - 853 million yevro
2. «PSJ» (Fransiya) - 850
3. «Manchester Yunayted» (Angliya) - 784
4. «Chelsi» (Angliya) - 644
5. «Barselona» (Ispaniya) - 628
6. «Real» (Ispaniya) - 497
7. «Yuventus» (Italiya) - 470
8. «Liverpul» (Angliya) - 437
9. «Arsenal» (Angliya) - 416
10. «Tottenhem» (Angliya) - 361