Қуролланган Сурия мухолифати вакиллари Остонадаги музокараларнинг олтинчи босқичида иштирок этади. Бу ҳақда РИА «Новости» Қозоғистон ТИВ раҳбари Қайрат Абдраҳмановга асосан хабар қилмоқда.

«Қозоғистон консуллик муассасасига қуролланган Сурия мухолифати кириш визаларини сўраб, расман мурожаат қилди. Бу эса қуролланган Сурия мухолифати навбатдаги босқичда фаол иштирок этишини англатади», - деган Абдраҳманов.

Бундан ташқари, унинг хабар беришича, Иордания музокараларда кузатувчи сифатида қатнашади. Мамлакатдан юқори мансабли дипломатлар иштирок этади.

Аввалроқ Франция ТИВ раҳбари Сурияда Асад билан тинчликка эришиш мумкин эмаслиги ҳақида маълум қилганди.