Ўртачирчиқ туманида яшовчи, 1984 йилда туғилган К.Н. ИИБга ариза билан мурожаат қилиб, жорий йилнинг 30 август куни соат 14.30 да «А.» исмли қўшниси, уйда ҳеч ким йўқлигидан ва эшик очиқлигидан фойдаланиб, эркин йўл билан кириб, уйидан нархи тахминан 1.500.000 сўм бўлган 2 жуфт тилла зираклар ва 1 та тилла соатни ўғирлаб олиб, чиқиб кетаётган вақтида ушлаб олганлигини маълум қилган. Бу ҳақда Тошкент вилояти ИИБ хабар берди.

Ушбу жиноятни 1977 йилда туғилган А.Ш. содир этганлиги аниқланиб, ушланган. Ушбу ҳолат юзасидан унга нисбатан Ўзбекистон Республикаси Жиноят Кодексининг тегишли моддалари билан жиноят иши қўзғатилди.