«Арсенал» футбол клуби бош мураббийи Арсен Венгер жамоа ҳужумчиси Алексис Санчес Чили термаси таркибидаги ўйиндан сўнг клуб қароргоҳига ортиқча вазн билан қайтгани ҳақидаги миш-мишларга изоҳ берди.

«Санчес – жуда тартибли, жиддий ва масъулиятли футболчи. У менга ҳозирда Англия чемпионати ва Европа лигаси ўйинларига бор диққатини қаратганини айтди. Чили термаси муваффақиятсиз ўйин кўрсатди, бироқ, шунга қарамай, у клубга катта иштиёқ ва майдонга тушишга тайёр ҳолатда қайтди. У семиргани йўқ, унинг тери остидаги ёғ миқдори 10 фоиздан ортиқ эмас. Сен ғалаба қозонмаётган бўлсанг, кишилар муаммолар қидиришни бошлашади», - дея Венгернинг сўзларини келтиради Goal.