AQSh prezidenti Donald Trampning huquqshunoslari uning kuyovi Jared Kushnerni prezident maslahatchisi lavozimidan iste'foga chiqarishga harakat qilishgan. Bunga Kushnerning Rossiya bilan aloqalari sabab bo‘lgan, deb xabar bermoqda The Wall Street Journal.
Nashrning o‘z manbalariga asosan ta'kidlashicha, advokatlarga Kushnerning ruslar bilan aloqalari ma'lum bo‘lgan, hamda bundan Trampni xabardor etishlari lozim edi. Oq uyning OAV bilan aloqalar uchun mas'ul bo‘lgan amaldorlari esa maslahatchining iste'fosiga izoh beruvchi maqolalar tayyorlashni ham boshlab yuborishgan, biroq Tramp kuyovini bo‘shatish fikridan qaytgan.
Shundan so‘ng huquqshunoslar jamoasi tarqatib yuborilgan.
Avvalroq OAV Trampning kuyovi va Roman Abramovich aloqalari haqida xabar topgani ma'lum bo‘lgandi.
