Apple корпорацияси узоқ кутилган янги авлод  iPhone X (10) қурилмасини намойиш этди. Корпорация ўз сайтида тақдимот маросимини трансляция қилмоқда. 

Смартфон 5,8 дюймли,  2436X1125 OLED-дисплейга эга бўлади. Ишлаб чиқарувчиларга кўра, бу iPhone смартфонларига ўрнатишга муносиб сифатга эга биринчи OLED-экран. Одатий Home тугмаси йўқ, унинг ўрнига свайплардан фойдаланилади. 

Фото:Apple

Apple'ни блокдан ечиш учун юздан таний олиш технологияси ишлаб чиқилди. Шуниси диққатга сазоворки, қурилмани суратлар орқали блокдан ечиб бўлмайди. У кўзойнак ё қалпоқда бўлишидан қатъи назар, ўз соҳибини таний олади. 

Бундан ташқари ўзингизни жонли эможилар ўрнида ҳис қилиб кўришингиз мумкин.