Туркия президенти Ражаб Тоййиб Эрдўған Анқарадаги чиқиши давомида Вашингтонни Туркияга Россиянинг С-400 зенит-ракета мажмуалари етказиб берилишига билдирган реакцияси туфайли танқид қилди.

«Биз С-400 бўйича келишувга эришганимизда, уларнинг жаҳли чиқа бошлади. Нима, биз сизларни кутишимиз керакми? Биз чораларни мустақил қабул қиламиз ва келажакда ҳам шундай бўлиб қолади», - дея президентнинг сўзларини келтиради Hurriyet нашри.

Аввалроқ Пентагон вакили Жонни Майкл АҚШ Туркияга ракеталарга қарши мудофаа тизими етказиб беришни тезлаштириши ҳақида маълум қилганди. Улар НАТО стандартларига мос тушадиган бўлади.

Кеча Туркия С-400 зенит-ракета тизимлари учун Россияга қисман тўловни амалга оширгани хабар қилинди.