KXDR sinovdan o‘tkazgan yadro zaryadi kuchi 250 kilotonna bo‘lgan

Foto: Reuters

KXDR tomonidan 3 sentabr kuni sinovdan o‘tkazilgan yadro zaryadi kuchi 250 kilotonnani tashkil etadi. Bu haqda 38 North portali xabar bermoqda.

Portal ma'lumotiga ko‘ra, Yadro sinovlarini butunlay taqiqlash to‘g‘risidagi kelishuv ekspertlari portlash magnitudasi haqidagi ma'lumotlarni qayta ko‘rib chiqishgan. Yangi taxminlarga ko‘ra, magnituda 6,1ni tashkil qilgan.

«Tegishli konstanta bilan standart formulani qo‘llash shuni ko‘rsatmoqdaki, endilikda quvvatni taxminan 250 kilotonnaga baholash mumkin (megatonnaning to‘rtdan bir qismi)», - deyiladi xabarda.

Avvalroq BMT Xavfsizlik kengashi KXDRga qarshi sanksiyalarni bir ovozdan kuchaytirgandi.

#KXDR #yadro sinovi