«Манчестер Юнайтед» ҳужумчиси Маркус Рашфорд ЕЧЛ гуруҳ босқичининг «Базель»га қарши кечган ўз дебют ўйинида (3:0) битта гол уришга муваффақ бўлди. 19 ёшли футболчи 84-дақиқада тўпни дарвоза тўрига аниқ жойлаб, баҳсдаги якуний ҳисобни ўрнатди.

Шу тариқа, ЕЧЛ англиялик футболчи учун ўзининг илк учрашувидаёқ гол урган олтинчи мусобақага айланди. Аввал Рашфорд Европа лигаси, Англия чемпионати, Англия лига кубоги, шунингдек, Англия ёшлар ва асосий терма жамоаси сафидаги илк ўйинларида гол урганди.