Ироқ жанубида жойлашган Ди-Кор вилоятидаги (собиқ Мунтафиқ вилояти) иккита теракт оқибатида ҳалок бўлганлар сони 74 кишига етди, яна 93 инсон жабрланди. Бу ҳақда Al-Jazeera телеканали вилоят соғлиқни сақлаш департаменти раҳбари ўринбосарига асосан хабар берган.

"Ироқ жанубидаги теракт қурбонлари сони 74 кишига етди, 93 инсон жароҳатланди", - дея Абдул Ҳусайн ал-Жабрийнинг сўзларини келтиради телеканал.

Террорчилар Носирия шаҳридан ғарбда жойлашган туманда кафега ҳужум қилишди ва Ди-Кор ҳамда Мутанна вилоятлари ўртасидаги назорат-ўтказиш нуқтасида машинани портлатишган. Таъкидланишича, ҳалок бўлганлар ва жароҳатланганлар орасида Эрон фуқаролари ҳам бор. 

Sky News Arabia телеканалининг хабар беришича, ИШИД террорчилик гуруҳи теракт учун масъулиятни ўз зиммасига олган.

Кеча Ироқда бирданига иккита теракт юз бергани, қурбонлар жуда кўп экани хабар берилганди.