Sport | 10:28 / 15.09.2017
11673
2 daqiqa o‘qiladi

Marseloning jazosi yanada yengillashtirildi

«Real» himoyachisi Marseloga diskvalifikatsiya muddati bir o‘yinga qisqartirildi.

29 yoshli braziliyalik futbolchi Ispaniya chempionatining 3-turidan o‘rin olgan «Levante»ga qarshi uchrashuvda (1:1) Jyefferson Lermaga nisbatan ishlatgan qo‘polligi uchun to‘g‘ridan-to‘g‘ri qizil kartochka bilan siylangandi.

Uchrashuvning hakam yozgan qaydnomasida Marselo Lermani to‘psiz holatida orqasidan kelib zarba berilgani ko‘rsatib o‘tilgan.

«Real» futbolchisining harakati qo‘pol harakat sifatida baholandi, ammo bu og‘ir jarohat yetkazish uchun qilinmagani e'tirof etildi. Reglamentda bunday holat uchun 1-3 uchrashuvga chetlatilishi mumkin deya ko‘rsatib o‘tilgan.

Futbolchi La-ligasi tartib intizom qo‘mitasi tomonidan 2 o‘yinga diskvalifikatsiya qilingandi, ammo madridliklar klubi apellyatsiya topshirdi, natijada muddat qisqartirildi.

Marselo endi Ispaniya chempionatining navbatdagi turida «Real Sosedad»ga qarshi o‘yinni o‘tkazib yuboradi, ammo keyingi turda «Betis»ga qarshi o‘yinda maydonga tushishi mumkin.

Marseloga kutilganidan yengilroq jazo tayinlandi

Mavzuga oid