Ukraina prezidenti Pyotr Poroshenko «Yalta Yevropa strategiyasi» forumi davomida Ukraina tomoni tinchlikni istashi haqida ma'lum qildi, shuningdek, o‘zini tinchlik prezidenti sifatida e'lon qildi, deb xabar bermoqda «Interfaks».
«Biz dushmanga hujum qilish g‘oyasini xohlamaymiz, undan nafratlanamiz. Biz shunchaki tajovuzkor tomon, agarda, Minsk kelishuvlarini buzadigan bo‘lsa yoki mening qo‘shinlarimga hujum qilsa, ancha katta narx to‘lashi bilan bog‘liq faktni tasdiqlamoqchimiz. Biz tinchlikni istaymiz hamda men tinchlik prezidentiman», - dedi u.
Shuningdek, Poroshenkoning umid bildirishicha, Ukraina AQShdan faqatgina mudofaa qurol-yarog‘ini olmaydi.
Avvalroq AQSh Ukrainada tinchlikparvar kuchlarni joylashtirish g‘oyasini qo‘llab-quvvatlagani xabar berilgandi.
