Buyuk Britaniya bosh vaziri Tereza Mey London metrosida portlash yuz bergani tufayli favqulodda qo‘mita yig‘ilishini o‘tkazadi.
Sky News’ning xabar berishicha, yig‘ilish mahalliy vaqt bilan soat 13:00 (Toshkent vaqti bilan 17:00)da bo‘lib o‘tadi.
«Mening fikr-o‘ylarim «Parsons Grin»da jarohatlanganlar va terrorchilik xurujini jasurlik ila qabul qilgan tezkor xizmatlar bilan birga», - deya ma'lum qildi Mey.
Reuters tarqatgan xabarga ko‘ra, Skotlend-Yard «Parsons-Grin» bekatidagi portlashni terrorizm bilan bog‘liq hodisa sifatida baholamoqda.
«Komissar yordamchisining o‘rinbosari Neyl Basu, aksilterrorchilik bo‘limining katta muvofiqlashtiruvchisi ro‘y bergan holatni terrorizm bilan bog‘liq hodisa sifatida e'lon qildi», - deya ma'lum qilishgan politsiyadan.
Avvalroq London metrosining «Parsons-Grin» bekatida portlash yuz bergani xabar qilingandi.
