АҚШ президенти Дональд Трампнинг маълум қилишича, ноябрь ойида Хитой, Япония ва Жанубий Кореяга амалий ташриф билан боришни мўлжалламоқда. Бу ҳақда Reuters хабар берди.

Шунингдек, Трампнинг таъкидлашича, 10 ва 11 ноябрь кунлари Осиё-Тинч океани иқтисодий ҳамкорлиги давлатлари етакчиларининг саммити бўлиб ўтадиган Вьетнамга ҳам бориши мумкин.

Бундан ташқари, Трамп Филиппинга ташриф буюриши мумкинлигини истисно этмади.

Аввалроқ Bloomberg агентлиги Трамп куз охирига қадар Хитойга ташриф буюриши ҳақида хабар тарқатганди.