Италиянинг Милан шаҳри 2019 йилда Халқаро олимпия қўмитаси (ХОҚ) сессиясини қабул қилади.

Inside the Games’нинг хабар беришича, бундай қарор Перу пойтахти Лимадаги ХОҚ сессияси давомида қабул қилинди.

Айнан ўша сессияда 2026 йилги қишки Олимпия ўйинлари пойтахти танланади. Таъкидланишича, Милан бу сессияни ўзида қабул қилиш учун ягона номзоддир.

Италия шаҳри раҳбари тегишли молиявий кафолатлар, шунингдек, хавфсизликни таъминлаш бўйича режаларни тақдим этди.

2026 йилги қишки Олимпия ўйинларини ўтказиш ҳуқуқи учун эса Сьон (Швейцария), Лиллехаммер (Норвегия), Калгари (Канада) ва Инсбрук (Австрия) шаҳарлари даъвогарлик қилмоқда.