Аргентина терма жамоаси Эрнан Креспо «Интер» ҳужумчиси Мауро Икарди ўйинига алоҳида тўхталиб ўтди.

«Ўзга сайёралик бўлган Криштиану Роналду ва Лео Мессидан менга ўйин услуби энг ёқадиган футболчи Мауро Икарди.

У эндигина 24 ёшга кирди, шу ёшда бўлишига қарамасдан, ҳозирданоқ ғолиблик характеридаги футболчи сифатида шаклланди, келажакда эса жаҳон даражасидаги футболчи бўла олиши мумкин.

Мен Икардини Италияга келганидан буён кузатиб келаман. Ҳар йили, кўплаб қийинчиликларга қарамасдан у ўсишда давом этмоқда. Бу унинг ақлли йигит эканини билдиради.

Мауро – идеал марказий ҳужумчи. У чап оёқда ҳам, ўнг оёқда ҳам, бошда ҳам гол ура олади. Жарима майдончаси ичида ўзини худди уйидагидек эркин ҳис қилади.

Икарди – Месси учун энг идеал шерик бўлади. Ҳа, унинг ҳаётида қандайдир тушунмовчиликлар кўп бўлди, аммо мен футбол нуқтаи-назаридан булар инобатга олинишини қўллаб-қувватламайман. Менимча ҳозир ҳаммаси жойига тушиб кетган. Икарди – Аргентинани Жаҳон чемпионатига олиб бориши керак бўлган кераклиги ҳужумчи», – дея Креспонинг сўзларини келтиради Football Italia.