Xiaomi va iHealth birgalikda kontaktsiz termometr yaratdi

Xiaomi kompaniyasi rahbari brendning yangi mahsulotlari taqdimotida salomatlik uchun mahsulotlar ishlab chiqaruvchi iHealth kompaniyasi bilan birgalikda yaratilgan Xiaomi iHealth kontaktsiz infraqizil-termometrini namoyish qildi. Model sensor datchiklar yordamida ishlaydi, o‘lchashdagi xatolik 0,2 gradusdan oshmaydi.

Termometrdagi birinchi sensor – Heimann kompaniyasining infraqizil datchigi bo‘lib, u bir soniya ichida butun tananing harorati haqida ma'lumot to‘playdi. Ikkinchi sensor esa olingan natijaga atrof-muhit haroratining ta'sirini kamaytiradi.

Katta odam yoki boladagi tana haroratini o‘lchash uchun termometrni uning peshonasi markaziga olib kelish yetarlilik qiladi. O‘lchashlar yakunlangandan keyin qurilma vibratsiyalovchi signal beradi.  

Model uch dona AAA batareykasidan ishlaydi va batareykalar sig‘imi 3000 ta o‘lchashga yetadi. Qurilma telefon bilan sinxronlikka ega emasligi sababli 20 dollargina turadi. 

Yangi qurilma 15 sentabrdan sotuvga chiqarilishi kerak edi. Ushbu termometr arzonroq termometrlarni topish mumkin bo‘lgan bozorda talabgir bo‘lishini vaqt ko‘rsatadi.