Туркиянинг Анталья вилоятида сайёҳлар автобуси 50 метрлик баландликдан жарга қулаб кетди, деб хабар бермоқда Hurriyet нашри. Нашр маълумотларига кўра, йўл-транспорт ҳодисаси оқибатида 5 киши ҳалок бўлган, 26 киши жароҳатланган. 

Dogan нашрининг маълум қилишича, ЙТҲ 17 сентябрь соат 11 ларда юз берган. Хусусий компанияга тегишли бўлган автобус ҳайдовчиси Манавгатадан Адрасан қишлоғига туркиялик сайёҳларни олиб кетаётганда бошқарувни қўлдан чиқариб, жарликка қулаган. 

Воқеа жойида шифокорлар, қутқарувчилар ва полиция иш олиб борган. Жароҳатланганлар шифохонага етказилганлар.