19 сентябь куни Avtoraqam.uzex.uz сайтида “чиройли” авторақамларни сотиш бўйича илк онлайн-аукционлар якунланади. Шу билан бирга, бирданига бир неча ўнлаб аукционларнинг якунланиши кутилмоқда. Ўзбекистон бўйлаб эҳтимолий харидорлар пул таклиф қилишни бошлашди. 

Ҳозирча барча таклиф этилган маблағлар орасида Тошкент шаҳрида яшовчи фуқаронинг таклифи етакчи бўлиб турибди. У Z 770 ZA рақам белгиси учун 14 528 175 сўм бермоқчи. Агарда бу кўрсаткич оширилмаса, 19 сентябрь куни кечқурун чиройли авторақам айнан унга насиб этади. Таъкидлаб ўтиш лозимки, рақам учун бошланғич нарх 7 488 750 сўмни ташкил қилган.