Туркия Сурия билан чегарасига 80 та зирҳли транспорт воситаси юборди. Зирҳли техника Туркия шимоли-ғарбидаги Люлебургаз туманидан тортиб келинмоқда, деб хабар бермоқда ТАСС ахборот агентлиги. 

Yenisafak нашрининг маълум қилишича, Туркия Суриянинг Идлиб вилоятидаги яна бир деэскалация ҳудудида хавфсизликни таъминлаш мақсадида 25 минг аскар юбормоқчи. Бу ҳудуд яратилиши ҳақида 15 сентябрда Остонада Суриядаги вазиятни тартибга солиш бўйича халқаро музокаралар вақтида эълон қилинганди. 

Июлда Туркия мудофаа вазири Фикри Ишик Анқара курдлар назоратида бўлган Суриянинг Африн шаҳрида ҳарбий операция ўтказиши мумкинлигини, ундан аввалроқ Ражаб Тоййиб Эрдўған Туркия Сурия шимолида курд давлати барпо этилишига йўқ қўймаслигини айтгандилар.