АҚШ сенати 2018 молия йилида ҳарбий харажатларга 700 млрд доллар ажратишни маъқуллади. Бу ҳақда Associated Press ахборот агентлиги хабар бермоқда. 

Ахборот агентлиги маълумотларига кўра, тегишли қонун лойиҳасини қабул қилиш учун 89 сенатор овоз берган, 8 сенатор қарши чиққан. 

Қонун лойиҳаси Шимолий Корея ракета синовларига жавобан АҚШ ракета ҳужумига қарши мудофаасини кенгайтиришни кўзда тутади. Шунингдек, маблағлар ҳарбийларга маош тўлашга сарфланади.