Ўзбекистон Республикаси Иқтисодиёт вазирлиги томонидан мамлакатга олиб кириладиган акциз тўланадиган товарларга импорт божлари ва акциз солиғи ставкаларини қайта кўриб чиқиш тўғрисидаги қарор лойиҳаси тайёрланди. Янги тарифлар 1 октябрдан кучга кириши мўлжалланган.

Лойиҳада йирик ва кичик қорамол, йирик қорамол гўшти, балиқ маҳсулотлари, сут, картошка, ёрма, ун ва бошқа маҳсулотларга импорт божини бекор қилиш таклиф этилган. Шунингдек, кўп позициялар бўйича божларни ҳамда бир қатор товарларга акциз солиғини камайтириш таклиф этилмоқда.

Тарифларни қайта кўриб чиқиш пул-кредит сиёсатини эркинлаштириш шароитида аҳоли истеъмол талабини қондириш ва ички бозорда нархлар ўсишининг олдини олиш, шунингдек, маҳаллий ишлаб чиқарувчиларга зарур ускуналар ва таркибий қисмларни, хом-ашёларни импорт қилиш учун қулай шарт-шароитларни яратишга қаратилган.