2018/19 йилги Европа Чемпионлар лигаси финали Мадридда ўтказилади.

Radio Marca хабарига кўра, Европадаги энг нуфузли турнир ғолибини аниқлаш учун ҳал қилувчи баҳсга «Атлетико»нинг янги қурилган «Ванда Метрополитано» стадиони мезбонлик қилади. Мадрид шаҳри бу вақтгача 4 марта Чемпионлар лигаси финалини қабул қилганди. Бу учрашувларнинг барчаси «Сантьяго Бернабеу»да ўтказилган (1957, 1969, 1980 ва 2010 йилларда).

Аввалги хабарларда 2019 йилги финални қабул қилиш учун Мадриддаги янги стадионда VIP-ложалар сони камлиги тўсиқ бўлиши, финал Бокудаги Олимпия стадионида ўтказилиши мумкинлиги айтилганди.

Эндиликда Бокудаги стадион 2019 йилги Европа Лигаси финалига мезбонлик қиладиган бўлган.