Бильбаода «Атлетик» Испания чемпионатининг 5-тури доирасида «Атлетико»га қарши ўйнади. «Сан-Мамес»да кечган учрашув меҳмонларнинг 2:1 ҳисобидаги ғалабаси билан якунланди. 

Ўйиннинг 41-дақиқасида Ариц Адурис пенальтини голга айлантира олмади. Иккинчи бўлим бошида Анхель Корреа ҳисобни очди. 73-дақиқада Янник Феррейра-Карраско устунликни оширди. Ўйин охирида Рауль Гарсия жавоб голини урди.

Эндиликда «Атлетик» Бильбао 7 очкоси билан Испания Примераси турнир жадвалида еттинчи ўринда, «Атлетико» қаторасига иккинчи ўйинда ғалаба қозонгач, очколари сонини 11тага етказган ва учинчи ўринга жойлашган.

Тур доирасида яна бир учрашувда «Севилья»  «Лас-Пальмас»ни қабул қилди. «Рамон Санчес Писхуан» стадионида кечган учрашув мезбонларнинг ғалабаси билан якунланди - 1:0.

Ўйиндаги ягона гол 83-дақиқада Хесус Навас ҳисобига ёзилди. Шу тариқа, андалузлар жамоаси Примерада қаторасига тўртинчи учрашувда ғалабага эришди.

«Севилья» энди 13 очкоси билан турнир жадвалида иккинчи ўринда, «Лас-Пальмас» 6 очкоси билан — 12-поғонада жойлашган.

Испания чемпионати, 5-тур
Атлетик – Атлетико 1:2 (0:0, 1:2)
Голлар: 0:1 – 55 Корреа, 0:2 – 73 Феррейра Карраско, 1:2 – 90 Рауль Гарсия.
Атлетик – Аррисабалага, Иньиго Лекуэ, Нуньес, Лапорт, Баленсиага, Сан Хосе, Итурраспе (Беньят, 56), Сусаета (Иньяки Уильямс, 56), Рауль Гарсия, Муниаин, Адурис (Кордоба, 79).
Атлетико – Облак, Хименес, Савич, Годин, Филипе Луис (Люка Эрнандес, 79), Коке, Парти, Сауль, Гайтан (Феррейра Карраско, 60), Корреа (Габи, 72), Гризманн.
Огоҳлантиришлар: Парти (25), Филипе Луис (39).

Севилья – Лас-Пальмас 1:0 (0:0, 1:0)
Гол: 1:0 – 83 Навас.
Севилья – Рико, Меркадо, Пареха, Кьер, Эскудеро, Нзонзи, Крон-Дели (Банега, 76), Навас, Гансо (Васкес, 62), Корреа (Сарабия, 70), Бен-Йеддер.
Лас-Пальмас –  Чичисола, Маседо, Гарсия Сантана, Артилес, Химо Наварро, Аквилани (Гомес, 66), Сантана (Толедо, 85), Витоло (Момо, 58), Виера, Домингес, Кальери.
Огоҳлантиришлар: Гарсия Сантана (1), Меркадо (44), Момо (76), Навас (89).

Леганес – Жирона 0:0 (0:0, 0:0)
Леганес – Куэльяр, Сальдуа, Мантовани, Сиовас, Рико, Перес, Эрасо, Брашанац (Рамос, 59), Шимановски (Амрабат, 67), Пирес, Бовю (Моран, 83).
Жирона –  Ирайсос, Хуанпе, Алькала, Муньеса (Эспиноса, 60), Маффео, Понс, Гранель (Дуглас Луис, 72), Мохика, Гарсия, Кайоде (Порту, 83), Стуани.
Огоҳлантиришлар: Стуани (30), Хуанпе (64), Дуглас Луис (73), Перес (78), Сальдуа (90).