2017 йилнинг 28-30 сентябрь кунлари Ўзбекистон Ёшлар Иттифоқи, Савдо-Саноат Палатаси, Ўзбекистон Республикаси Олий ва ўрта махсус таълим Вазирлиги, «Expocontact» компанияси ҳамкорликда ўн еттинчи халқаро «Таълим ва Мутахассислик» кўргазмасини ташкил қилади.

Кўргазманинг асосий мақсади:

Ўзбекистон Республикаси ва хорижий мамлакатлар ўқув юртларида замонавий

методикалар асосида таълим беришлари билан таништириш, ўзаро тажриба алмашишга кўмаклашиш, шунингдек ёшларга ва кенг оммага ўзларини қизиқтирган мутахассислиги бўйича билим олишлари учун ўқув юртларини танлашга ёрдам бериш.

Кўргазманинг вазифалари:

Ўзбекистон Республикаси ва хорижий мамлакатлар ўқув юртларида қайси мутахассисликлар бўйича таълим олишнинг имкониятлари борлиги ҳақида маълумот бериш;

Ёшларда мутахассислик танлашга қизиқтириш уйғотиш ва шу соҳада таълим олишга жалб этиш;

Иккинчи касб-ҳунар ўрганиш ёки ўз касби бўйича малакасини ошириш истагида бўлган шахсларга таълим олиш учун ўқув юртини топишга ёрдам бериш;

Ўқув юртларини жиҳозлаш учун ишлаб чиқарилган техник воситалар, ўқув-методологик адабиётлар, мебель-жиҳозлар ва компьютерлаштиришнинг энг охирги ютуқлари билан таништириш.

Кўргазманинг асосий йўналишлари:

Олий ўқув юртлари;

Ўрта махсус таълим муассасалари;

Ўқув марказлари;

Малака ошириш институтлари;

Хусусий мактаблар, тил марказлари;

Кўргазманинг ёрдамчи йўналишлари:

Таълим муассасалари учун дастурлар;

Таълимдаги ахборот технологиялар;

Ўқув қўлланмалар;

Ўқув мебели ва канцелярия жиҳозлари;

Спорт жиҳозлари.

Кўргазмага ташриф буюрувчилар – мактаб, коллеж ва лицей ўқувчилари, абитуриентлар, талабалар, уларнинг ота-оналари, ўқув муассасаларининг вакиллари, шунингдек, барча қизиқувчилар.

Фото: Xushnudbek.uz

Кўргазма ўтказилиш даврида мамлакатимизнинг 35 дан ортиқ институт ва университетлари, 40 дан зиёд ўқув марказлари ҳамда Европа, Осиё, Латвия, Россия ва бир қанча бошқа мамлакатлар университетлари иштирок этади. «Таълим ва Мутахассислик» кўргазмасига умумий ҳисобда 30.000 дан ортиқ одам ташриф буюриши кутилмоқда. Ташриф буюрганларнинг асосий қисми 14-25 ёшдаги ёшлар бўлади.

Иштирок этиш шартлари:

Кўргазмада иштирок этиш истагини билдирган жисмоний ва юридик шахслар, ташкилотчининг номига белгиланган шаклдаги аризани жўнатиб, шартнома тузади.

Стенднинг минимал ҳажми 9 кв.м., учта девор, 1 стол, 2 стул, 1 урна, 220 B қувватдаги электр тармоғи, 2 та чироқ, фриз ёзуви, каталог (иштирокчилар ҳақида маълумот), иштирокчилар учун 2 та бейжик (рухсатнома). 

Кўргазма якунида иштирокчилар фахрий ёрлиқ билан тақдирланадилар.

Манзил: Ёшлар Ижод Саройи, Мустақиллик кўчаси 2, мўлжал «Мустақиллик майдони» метроси.

Кўргазма ташкилотчиси:

Expocontact

100070, Ўзбекистон Республикаси Тошкент ш. Ш.Руставели к. 22

Мурожаат учун телефон.: +99871 256-35-13, 256-36-14

Факс: +99871 256-36-13

Е-mail: ssp-expocontact@mail.ru    

сайт: edufair.uz

Халқаро кўргазмада иштирокингиз – бу ўзингизнинг махсус факультет ва бўлимларингизни таништириш, у ёки бу таълим олиш шаклининг афзалликларини намоён қилиш имконияти демакдир! Сизларни кўргазмада иштирок этишга таклиф этамиз!