11:59 / 23.09.2017
19602

Facebook’da “Chilonzor” nomli guruh tashkil etildi, tuman hokimi murojaat bilan chiqdi 

Foto: Facebook/Chilonzor

Facebook ijtimoiy tarmog‘ida “Chilonzor” nomli guruh ochildi. Chilonzor tumani hokimi Davron Hidoyatovning guruhdagi murojaatida aytilishicha, bunday guruhning tashkil etilishi aholining umumiy manfaatlariga xizmat qiladi va tumanda istiqomat qiluvchi har bir fuqaroning manfaati uchun ishlashga imkon beradi.

“Sizlarning barchangiz boshidan ko‘rsatgan xayrixohlik, yaratilgan guruh amalda davlat rahbariyati tomonidan aholi bilan muloqot va inson manfaatlarini ta'minlashga asoslangan davlat organlari ishiga yangi yondoshuv samaradorligini tasdiqlaydi. Axborotning ochiqligi - muvaffaqiyatli jamiyatni rivojlantirishning muhim omillaridan biridir”, - deyiladi hokim murojaatida.

Qayd etilishicha, hokimiyat bu guruhda olib borilayotgan ishlarni yoritib, har hafta fuqarolarni qiynayotgan masalalar bo‘yicha ma'lumot berib boradi.

“Yo‘l infratuzilmasi, bolalar maydonchalari, UJMShning ishi, ko‘kalamzorlashtirish, chiqindilarni olib chiqish va boshqa ko‘plab masalalar - biz ular bilan har kuni shug‘ullanmoqdamiz va kelgusi 2 yil uchun bizda aniq harakatlar rejasi bor - barchangiz ilk natijalarni ko‘rishingiz mumkin va sizni ishontirib aytishim mumkinki, rejali ish doimiy tarzda olib boriladi”, - deyiladi D.Hidoyatovning murojaatida.

“Natija o‘zimizga bog‘liq - biz hammamiz toza, qulay va obod tumanda yashashni istaymiz va buning uchun birgalikda harakat qilish talab etiladi”, - deyiladi murojaatda.

Mavzuga oid
Top