15:10 / 26.09.2017
18439

«Manas» aeroportida O‘zbekiston fuqarosi soxta pasport bilan qo‘lga olindi

Foto: aeroport-manas.ru

26 sentabr kuni «Manas-aeroport» nazorat punktining chegarachilari O‘zbekistonning 1984 yilda tug‘ilgan fuqarosini soxta pasport bilan qo‘lga olishdi.

Qirg‘iziston Davlat chegara xizmati matbuot xizmatining xabar berishicha, Qozon-Bishkek yo‘nalishi bo‘ylab uchib kelgan yo‘lovchilarni pasport nazoratidan o‘tkazish vaqtida O‘zbekiston fuqarosi Qirg‘izistonning boshqa fuqarosiga tegishli bo‘lgan pasportni qisman soxta belgilar bilan taqdim etdi: hujjatda fotokarta almashtirilgan bo‘lgan.

Tegishli hujjatlar rasmiylashtirilganidan keyin ushlangan shaxs Qirg‘iziston Milliy xavfsizlik davlat qo‘mitasi hududiy boshqarmasi xodimlariga topshirildi.

Top