Украинанинг Винница вилояти Калиновка қишлоғи яқинидаги ўқ-дори омборида ёнғин содир бўлди. Мамлакат Фавқулодда вазиятлар бўйича давлат хизмати маълумотларига кўра, омбордаги ёнғин сабабли портлашлар бошланган, уларнинг давомийлиги дақиқасига учтага етган.

Винницага трассалар ва темир йўллари бутунлай тўсиб қўйилган, Калинов туманидан тахминан 30 минг киши эвакуация қилинди. Осмон эса омбордан 50 километр радиусда ёпилган. Украина матбуоти икки кишининг жароҳатлангани ҳақида хабар берди. Ёнғиннинг вужудга келишига нима сабаб бўлгани ҳозирча номаълум.

Калиновкадаги омборнинг 60 гектар майдонида 188 минг тонна ўқ-дори сақланади.