Тошкент шаҳрининг Шимолий вокзали яқинидаги Кичик ҳалқа йўли устидан ўтган йўл ўтказгич транспорт воситалари ҳаракати учун очилди.

«Kun.uz» фотомухбири Фарғона йўли ва Нукус кўчалари кесишмасидаги ушбу йўл ўтказгич суратларини тақдим этди.

Ушбу йўл ўтказгич қайта тикланиши шу йилнинг баҳорида, Ўзбекистон Президенти Шавкат Мирзиёев кўрсатмасига кўра бошланганди.

2008 йилда бузиб ташланган кўприк ўрнида янги, эни 22 ва узунлиги 281 метр бўлган янги йўл ўтказгич қурилди.