Қирғизистоннинг собиқ президенти Асқар Акаевнинг Москва метросида кетаётгани суратга олинди.

Фото:novostibishkeka.ru

Кўплаб фойдаланувчилар суратда Акаев ўйчан ва ҳорғин кўринишда эканлигини айтишган. Қолган фойдаланувчилар эса Акаев ҳозир оддий кўринишда эканига эътибор қаратишган, гўёки бу собиқ президент эмас, оддий фуқародек. Акаев президент бўлган вақтда у ҳар доим қўриқчилар ва автомобиллар кортежи қуршовида юрган. Айнан шу ҳолат кўплаб қирғизистонликларда қандайдир норозиликни келтириб чиқаради.   

Акаевнинг шунга ўхшаш, бироқ ёш қирғизистонликлар қуршовида тушган сурати жорий йилнинг июнида чоп этилганди. Ўшанда Акаев Санкт-Петербургга кетиш перронида турган бўлган.

Эслатиб ўтамиз, Акаев Қирғизистонни 1990 йилдан бошқариб келган. 2005 йилда давлат тўнтарувидан кейин у оиласи билан Қирғизистонни тарк этган. Ўшандан бери Акаев ўзининг касбига қайтиб, Москвада физика ўқитувчиси бўлиб ишлайди.