БААда тамаки ва энергетик ичимликларга 100 фоизлик акциз солиғи жорий қилинди. Натижада бу маҳсулотларнинг нархи икки баробарга қимматлашган, деб хабар бермоқда Arabian Business нашри.

Июнда Форс кўрфази давлатларидан биринчи бўлиб Саудия Арабистони тамаки маҳсулотлари ва энергетик ичимликларга 100 фоизлик, газли ичимликларга эса 50 фоизлик акциз солиқларини киритганди. Форс кўрфази араб давлатлари ҳамкорлиги кенгаши давлатлари қўшилган қиймат солиғини киритишга келишиб олишганди. БААда ва Саудия Арабистонида бу солиқ кейинги йил январидан киритилади.  

Нашрнинг ёзишича, айни вақтда БААдаги барча дўконлар ушбу маҳсулотларга нархларни кўтаришган. Қонунга кўра, сотувчилар маҳсулотларни қонун кучга киришидан аввал олган бўлсалар, уни аввалги нархда сотишлари мумкин бўлади.