«Барселона» вице-президенти Карлес Виларруби истеъфога чиқди.

Бу Испания чемпионатининг 7-турида «Лас-Пальмас»га қарши ўйин олдидан рўй берди. As хабарига кўра, Виларруби клуб раҳбариятининг бугунги ўйинни барибир ўтказишга қарор қилганидан норози бўлган. У Каталония аҳолиси жабр чекаётган вақтда ўйнаш тўғри бўлмасди, деб ҳисоблаганди.

«Лас-Пальмас»га қарши ўйиндан олдин клуб раҳбарияти вакиллари шошилинч йиғилиш ўтказишган. Якунда ўйинни мухлисларсиз стадионда ўтказишга қарор қилинган.

«Барселона» президенти Жозеп Бартомеу Виларрубининг кетганини тасдиқламади.

Каталонияда Испаниядан мустақиллик бўйича референдум ўтказилди. Кўчаларда аҳоли ва полициячилар ўртасида тўқнашувлар рўй берди. Охирги маълумотларга кўра, тўқнашувлар оқибатида 400дан ортиқ киши жароҳатланган.