Жорий йилнинг 1 октябрь кунидан бошлаб, Ўзбекистон Қозоғистонда ишлаб чиқарилган ёхуд қўшни мамлакатда йиғилган транспорт воситаларига нисбатан акциз солиқ ставкаларини пасайтирди. Ўзбекистон Республикаси президенти Шавкат Мирзиёев томонидан 29 сентябрь куни имзолаган қарорда шундай дейилади.

Тиббий мақсадда фойдаланишни назарда тутувчи транспорт воситалардан бошқа барча Қозоғистонда ишлаб чиқарилган ва йиғилган уловларга нисбатан акциз солиғи уларнинг божхона нархномасидаги қийматидан келиб чиқиб 2 фоизга камайтирилиши режалаштирилган.

Эслатиб ўтамиз, президент бу қарор орқали айрим турдаги бирламчи озиқ-овқат маҳсулотларига қўйилган импорт бож тўловларини ҳам бекор қилгани ҳақида хабар берилганди.