КХДРнинг Осиё-Тинч океани бўйича қўмитаси раиси АҚШ президенти Дональд Трампни қаттиқ танқид қилди.

Баёнотда Трамп олиб бораётган сиёсат «Американи оловли денгизга айлантирадиган ҳаракат ва ўзига суиқасд қилиш акти» деб баҳоланган.

Баёнотда шунингдек, Трампнинг шафқатсиз сиёсати «чолнинг аҳмоқлиги» дея баҳоланган ва бу ҳолат КХДРнинг армияси ва халқини янада жипслантириши эътироф этилган.

Айни вақтда Корея ярим оролидаги вазият таранглигича қолмоқда. Шимол корейслари июль ойида баллистик ракеталари синовини ўтказганди, 29 август ва 15 сентябрь кунларида яна иккита ракета учирилди, бу ракеталар Япония ҳудудида қулади. 3 сентябрь куни қитъалараро уча олувчи ракета синовдан ўтказилгани маълум қилинганди.