Дунё бўйича ўлчами бўйича 2-ўринни эгалловчи ва 2015 йилда Бостванада топилган олмос 28 сентябрда рекорд қийматга – 53 млн долларга сотилди. Бу ҳақда олмосга эгалик қилган Lucara Diamond Corp. маълум қилди.

"Lucara 1109 каратли Lesedi La Rona олмоси Graff Diamond’га 53 млн долларга сотилганини маълум қилишдан мамнун", дейилган компания матбуот-хизматида.

Таъкидлаш жоизки, дунёда энг катта олмос 3106 каратли Куллиниан (Африка юлдузи) олмоси бўлиб, у 1905 йилда Жанубий Африкада топилган. Сўнгра у бир неча бриллиантларга бўлинган, энг катталари Британия империяси тожини безаган эди.