09:48 / 02.10.2017
41442

Paxta terimidagi to‘lovlar, Kurdiston referendumi, Romitandagi zaharlanish - Kun.uz muhokamasida

Saytimiz ijodkorlari tomonidan mamlakatimiz va jahonda ro‘y bergan eng muhim va ahamiyatga molik voqea-hodisalarning tahliliga bag‘ishlangan ko‘rsatuv e’tiboringizga havola etib borilmoqda. «7 KUN» loyihasining oltinchi soni tayyor bo‘ldi va u an’anaviy tarzda KUN.UZ jurnalistlari Xurshid Daliyev va Alisher Ro‘zioxunov tomonidan olib borilgan.

Haftaning eng muhim yangiliklaridan biri — Markaziy Bank raisi o‘rinbosari tomonidan barcha tijorat banklari xodimlari paxta terimiga 5 nafardan terimchi yollashi haqida yo‘llangan xati bo‘ldi.

Shuningdek, ko‘rsatuv mobaynida quyidagi voqea-hodisa hamda yangiliklar tahlil etilgan:

  • Mamlakatimiz Prezidenti Shavkat Mirziyoyev o‘qituvchi hamda murabbiylarga tabrik yo‘lladi, sohada mehnat qilayotgan ustozlardan bir guruhi mukofotlandi;
  • O‘zbekiston Respublikasi Vazirlar Mahkamasining «2017 yil hosili paxta xomashyosining xarid narxlari to‘g‘risida»gi qarori e’lon qilindi;
  • «LUKOYL» O‘zbekistonda 2022 yilga qadar loyihalarga 3 milliard dollarlik investitsiya kiritadi;
  • LexUz’ga respublika normativ-huquqiy hujjatlarini rasmiy e’lon qilish manbasi maqomi berildi;
  • Tibbiyot sohasidagi yangiliklar: Ijtimoiy dorilar olish uchun budjetdan 240 mlrd. so‘m ajratiladi va Vrachlar va o‘rta tibbiyot xodimlarini 100 ballik tizim bo‘yicha baholashadi;
  • Borovskiy nomidagi kollej talabasi Jasurbek Ibrohimov jinoiy ishi bo‘yicha sud eshituvlari bo‘lib o‘tmoqda;
  • 2019 yil 1 sentyabrdan boshlab ayrim akademik litseylar yopiladi va 2017/18 o‘quv yilidan boshlab esa barcha akademik litseylarda o‘qish 2 yillik bo‘ladi;
  • To‘rtta viloyatda mikrogidro elektr stansiyalari quriladi;
  • Nurullo Otaxonov qo‘lga olinishiga Ichki ishlar organi vakili tomonidan rasman izoh berildi;
  • Toshkent shahrida Farg‘ona yo‘li ko‘chasiga eltuvchi Kichik halqa yo‘li ustidan o‘tgan yo‘l o‘tkazgich ochildi.

Odatdagidek, «Hafta yangiligi», «Hafta tayinlovi», «Hafta iqtibosi», «Hafta qahramoni» va «Hafta antiqahramoni» nominatsiyalari bo‘yicha fikr yuritilgan.

Ko‘rsatuv so‘ngida har doimgidek, qisqacha futbol xabarlariga o‘rin ajratilgan

«7 KUN» teleloyihasini Youtube videoportalidagi kanalimiz orqali tomosha qilishingiz mumkin.

Top