Профессионал теннисчилар ассоциацияси АТР 2 октябрь куни учун теннисчиларнинг ҳафталик янги рейтингини эълон қилди.

Унга кўра, ўтган ҳафтада Хитойнинг Ченгду шаҳрида бўлиб ўтган АТР турнирида ғалаба қозонган ўзбекистонлик теннисчи Денис Истомин рейтингда 25 поғонага юқорилаб, 53-ўринга кўтарилди. Денис ҳисобида энди 915 рейтинг очкоси бор. 

Янгиланган рейтингнинг юқоридаги ўнлигида ҳеч қандай ўзгариш кузатилмаган. Рейтингда ҳамон испаниялик Рафаэль Надаль (9465 очко) етакчилик қилмоқда. Кучли учликни швейцариялик Рожер Федерер (7505) ва британиялик Энди Маррей (6790) тўлдирган.