Фото: SpaceX

Американинг SpaceX компанияси асосчиси Илон Маск Австралиянинг Аделаида шаҳрида бўлиб ўтаётган Халқаро астрономия конгрессида чиқиш қилди. У компаниянинг Марс сайёрасини забт этиш бўйича улкан режаларини маълум қилди. Маскнинг фикрича, 2022 йилга келиб, Марсга илк парвозлар амалга оширилади. Унинг мақсади Қизил сайёрани мустамлакага айлантиришдан иборат бўлади. 

Фото: SpaceX

Видеоконцепцияда намойиш этилишича, Марсга юлар ва фазогирларни элтишда янги кўпмақсадли BFR ракетасидан фойдаланилади. Унинг баландлиги 106 метрга, диаметри 9 метрга етади. Ракетанинг тезлик олиши учун мўлжалланган модуль Raptor тизимидаги 31 двигателга эга бўлади.

Interplanetary Transport System (Сайёралараро транспорт тизими) Ернинг оралиқ орбитал станциясига 150 тоннагача юкни етказади, Марсга учишда 50 тонна фойдали бкни таший олади. Учириладиган парвозлар орбитага 40 та модулни етказишни кўзда тутади. Уларнинг ҳар бирида 2-3 астронавт бўлади, шу билан фазога 100 кишидан иборат экипаж етказилади.

Фото: SpaceX

BFR ракетасини барпо этиш ишларига яқин 6-9 ойда киришилади. Янги фазовий кеманинг барча элементлари келгуси парвозларда ҳам фойдаланилади. 

Фото: SpaceX
Фото: SpaceX
Фото: SpaceX
Фото: SpaceX

Эслатиб  ўтамиз, Falcon 9 ракетасининг 80 фоизини такроран қўллаш мумкин. BFR ракетаси эса, юкларни фазога олиб чиқишда қўлланилади. Бироқ зарур бўлиб қолганда бирмунча ихчам Falcon 9 ва Falcon Heavy ракеталари қўлланилади.