Саудия Арабистони қироли Салмон ибн Абдулазиз Ол Сауд 5 октябрь куни Москвага келади. Бу ҳақда Россия Федерацияси президенти ёрдамчиси Юрий Ушаков маълум қилди.

«Бешинчи октябрь», деган Ушаков ташриф санасига аниқлик киритиш сўралган саволга жавобан.

Бундан аввалроқ РИА Новости Саудия Арабистони монархи Россияга 4-7 октябрь кунлари ташрифини амалга ошириши ҳақида хабар тарқатганди. Хабарда қирол Салмон ташрифи доирасида Россия президенти Владимир Путин билан учрашиб, томонлар қатор ҳужжатларга имзо чекиши ҳақида айтилганди.

Кейинроқ РФ президенти матбуот котиби Дмитрий Песков ташриф октябрь ойининг биринчи декадасида бўлиб ўтиши, ташрифга тайёргарлик ишлари давом этаётганини тасдиқлади.