Ўзбекистон етказиб берилган электр энергияси қарзнинг бир қисмини ёпиш учун Қозоғистонга 130 млн доллар тўлади. Бу ҳақда «Казинформ» агентлиги KEGOC АЖ бошқаруви раиси Бакитжан Кажиевга асосланган ҳолда хабар қилмоқда.

Кажиевнинг қайд этишича, Ўзбекистон ва Қозоғистон бу борада турли фикрларга эга эди. «Биз келишувга эришиб, Ўзбекистон энергия тизими билан шартнома муносабатларини ҳал қилганимиздан бошлаб, Ўзбекистон 140 млн доллардан ортиқроқ қарз бўлган эди», - деб қўшимча қилди у.

Унинг айтишича, бугунги кунда ушбу масалани ҳал этиш устида иш олиб борилмоқда.

KEGOC бошқаруви раисининг таъкидлашича, Ўзбекистон қарзнинг катта қисмини тўлаган. Ҳозирда, қарз қолдиғи 11,33 млн долларни ташкил этади. Ўзбекистон 2017 йил охиригача қарзнинг қолган қисмини тўлайди.