Ispaniya terma jamoasi himoyachilari Jyerar Pike va Serxio Ramos o‘rtasidagi mojaro kelib chiqqan. Bu haqda As nashri xabar tarqatdi.
Manba bergan xabarga ko‘ra, Kataloniyada bo‘lib o‘tayotgan referendum masalasida tortishib qolishgan va oxir-oqibatda bir-birini haqorat qilishgacha borgan va ularning o‘zaro munosabatlari butunlay barbod bo‘lgan.
Xabarda qayd etilishicha, Ramos Pikeni Ispaniya terma jamoasidagi muhitni buzishda ayblagan.
Pike va Ramos «Barselona» va «Real» futbolchisi sifatida matbuot orqali juda ko‘p marotaba bahslashishgan, ammo ular Ispaniya terma jamoasida doimiy do‘st ekanliklarini aytib kelgan.
1 oktabr kuni Kataloniyaning Ispaniyadan ajralib chiqishi bo‘yicha referendum bo‘lib o‘tgandi. Ispaniya Konstitutsion sudi referendum o‘tkazilishini noqonuniy deb topgan, mamlakat hukumati esa tadbir tashkillashtirilishini oldini olish maqsadida Madriddan qo‘shimcha kuchlarni jalb qilgandi.
