22-23 sentabr kunlari Qoraqalpog‘iston xabar agentligining tashabbusi bilan “Nukus vinozavodi” AJ homiyligida bir guruh ommaviy axborot vositalari va arxeologlar uchun Ustyurt platosi va Orol dengizi akvatoriyasi bo‘ylab mediatur tashkil qilindi.
Mediaturni tashkil qilishdan asosiy maqsad – Ustyurtda saqlanib qolingan qator noyob va kam tadqiq qilingan arxeologik obidalar haqida keng ommani xabardor qilish hamda shuning hisobidan nufuzli xalqaro mediatashkilotlarning, mutaxassislarning e'tiborini jalb qilish va hududda turizmni rivojlantirishga hissa qo‘shish.
Ma'lumki, Ustyurt dunyodagi eng kam tadqiq qilingan hududlardan biri hisoblanadi. Bu hududdagi ko‘pchilik tarixiy-arxeologik obidalar hanuzgacha sirini to‘laligicha oshgani yo‘q.
Agentlik saytida bugungi Orol manzaralari suratlari taqdim etildi.