Apple компанияси вице-президенти Филипп Шиллер Купертинода iPhone X тақдимоти чоғида

Фото: ©AFP2017 / Josh Edelson

KGI Securities компанияси таҳлилчиси Куо Мин-Чи TrueDepth камерасини яратишда ишлатилган технологияни қайта яратиш учун Apple рақобатчиларига камида икки йил талаб этилишини айтиб ўтган, деб хабар беради MacRumors.

Таҳлилчининг сўзларига кўра, бу камера Apple’га 2018–2019 йилларда технологик етакчи бўлишни таъминлайди. Куонинг таъкидлашича, iPhone X савдоларининг бошланишидаги баъзи бир қийинчиликларга қарамасдан, у Apple корпорациясининг Hi-End смартфонлар бозоридаги истиқболига «тўлиқ ишончи комил».

TrueDepth фронтал камераси ёрдамида Face юзни сканерлаш технологиясини қўллаш имконияти яратилди. Хабар қилинишича, TrueDepth камерасини ишлаб чиқаришдаги мураккабликлар iPhone X’нинг дастлабки партияси қисқаришига сабаб бўлган.

Илгарироқ Face ID функциясининг ишида ҳам нуқсонлар юзага келгани хабар қилинган эди. Жумладан, смартфон эгаси 13 ёшдан кичик бўлса, телефон ўз эгасини адаштириб юбораётгани маълум бўлган эди. Функция нуқсони iPhone’нинг янги моделлари тақдимотида ҳам юзага келган.

MacRumors’нинг хабар беришича, бошқа компаниялар ҳам шу сингари технологик ва ишлаб чиқариш билан боғлиқ бўлган қийинчиликлар чиғириғидан ўтишади. Samsung аллақачон юзни таниш технологиясига эга қурилмани ишлаб чиқарган, лекин у 2D суратлардан фойдаланади ва бирмунча хавфсизроқ.