Pokistonda ikki boshli buzoqcha tug‘ildi

Pokistonning Karachi shahridagi fermada ikki boshli buzoqcha tug‘ildi.

Buzoqchada 2 ta bosh, 4 ta ko‘z, 2 ta og‘iz, 2 ta burun va 4 ta quloq bor. Bu kamdan-kam uchraydigan holat ilmiy tilda politsefaliya deb ataladi. Har bir bosh o‘z miyasiga ega. Bunday nuqson bilan tug‘ilgan hayvonlar kamdan-kam hollarda bir necha oydan ko‘proq yashaydilar.

Ferma egasi antiqa buzoqning tug‘ilishini "yuqoridan belgi" va "mo‘'jiza" deb atagan. Uning aytishicha, bu fermerlarga o‘z ishlarida sun'iy sut sog‘ish kabi notabiiy jarayonlarni qo‘llamasliklari uchun mukofotdir.

Hozircha buzoqcha juda zaif va oyoqlarida tura olmayapti, shu sababli uni idishdan boqishga to‘g‘ri kelmoqda. Ferma xodimlari buzoqchani parvarishlab, u yaqin orada o‘zini tutib olib, mustaqil yura boshlashiga umid qilishmoqda.