Мадриднинг «Реал» клуби 2018 йилнинг ёзида «Тоттенҳэм» ҳужумчиси Ҳарри Кейнни сотиб олишга уриниб кўради. Бу ҳақда Don Balon нашри хабар тарқатди.

Манба берган хабарга кўра, мадридликлар ҳужумчи учун 200 миллион евро (177 млн фунт) тўлашга тайёр бўлиб туришибди. 24 ёшли Англия терма жамоаси тўпурарини сотиб олиш учун сарфланадиган пулнинг бир қисми Карим Бензема ёки Гарет Бэйлдан бирини сотиш орқали қўлга киритилиши мумкин.

2016/17 йилги мавсумда Кейн Англия Премьер-лигасида 30 учрашувда 29 гол киритиб энг яхши тўпурар бўлганди. У шунингдек мухлислар ўртасида ўтказилган сўровга кўра, АПЛда йил футболчиси бўлган.