«Барселона» ва Испания терма жамоаси хавбеки Андрес Иньеста Каталониядаги вазият борасидаги фикрларини билдирди. Айни вақтда бу ерда Мустақиллик референдумидан кейин қиролликдан ажралиб чиқиш масаласи муҳокама қилинмоқда.

«Мен аввал бу мавзуда ҳеч қачон очиқ фикр билдирмагандим. Аммо ҳозир биз бошқача вазиятдамиз, буни мен жуда яхши тушуниб турибман.

Ҳали бир-биримизга зарар етказмасимиздан мулоқотга киришмоқ зарур. Масъул шахслар музокаралар ўтказсин.

Биз учун барча ишни қилишсин. Биз тинч яшашга ҳақлимиз», – дея ёзган футболчи твиттерида.

Иньеста – «Барселона» тарбияланувчиси ҳисобланади, аммо у каталон эмас. Бу футболчи Кастилия-Ла-Манча вилоятида туғилган.